Brunaren unibertsoa: Erakusleiho Magikoen Gabonetako Magiaren atzean dauden Artistei buruzko zertzeladak.

Aurten, Erakusleiho Magikoetan, Brunaren mundu magikoan barneratuko gara. Brunak, gure protagonista maitagarriak, argiz beteko ditu Elgoibarko kaleak Gabon hauetan. Brunaren atzean bi talentu paregabe ditugu: Jasone Osoro idazlea eta Judit Piella Clarà ilustratzailea. Bakoitzak bere magiaren eta esperientziaren ekarpena egiten diote Brunari, eta horri esker, karismaz eta liluraz beteriko pertsonaia bihurtzen da. Brunak bere istorioan txirikordatuko gaitu gu guztiok.

Jasone Osoro: Brunaren eta bere istorioaren sortzailea

Brunaren istorioa Jasone Osoro idazle eta kazetari elgoibartarraren gertuko kontakizun gartsuarekin hasiko da. Informazio Zientzietan lizentziatua, Osorok kazetari, gidoigile eta kolaboratzaile gisa lan egin du hedabide askotan, eta lan ugari argitaratu ditu. Bere ibilbidean, gai sakonak eta bizitzaz eta emozioz beteriko pertsonaiak esploratu ditu, hala nola, Jara eta Ezekiel, gazteentzat egin dituen eleberri txalotuak. Horrek idazle perfektua bihurtzen du Brunaren mundua sortzeko.

Estilo goxo eta hurbilarekin, Jasonek Brunaren unibertsoan murgilduko gaitu, non errealitatea eta fantasia txirikordatuko baitira. Bere sentsibilitateari eta esperientziari esker, Jasonek pertsonaia bat sortu du, pentsamenduen eta emozioen zaurgarritasuna, nork bere buruan sinesteak duen garrantzia eta lagunen eta familiaren indarra agerian jartzen dituena. Brunaren bitartez, Jasonek Elgoibarko herriaren esentzia islatzen du, belaunaldiak elkartzen dituen istorio batekin lotzen gaitu, eta txikienen eta nagusienen irudimena pizten du.

Judit Piella Clarà: Natura eta fantasia trazu bakoitzean

Bartzelonatik gertu jaioa, haurtzarotik ilustrazioarekiko pasioa adierazi duen artista da Judit Piella. Naturarekiko maitasunak ilustrazioa eta ingurumen zientziak ikastera bultzatu zuen, eta hori islatu egiten da bizitzaz eta kolorez beteriko estilo batean. Xehetasunez beteriko ikuspegiari esker, sortzen dituen pertsonaia guztiak artelanak dira berez, ñabarduraz eta espiritu naturalez eta ziraragarriz beterikoak.

Erakusleiho Magikoetarako, Juditek bizitza eman dio Brunari, Mario Echevarriak diseinatutako erakusleihoen protagonista bitxi eta ausarta izango den neskatoari. Judit Piellaren Bruna fusio bat da, haurrentzako ipuin baten inozentziaren eta talentu handiko ilustratzaile honek xehetasun guztiekin harrapatzen dituen emozioen arteko fusioa. Bere trazuei esker, Juditek magiaz beteriko mundua esploratzera gonbidatuko gaitu, non adiskidetasunak eta norberaren buruarekiko konfiantzak bat egiten duten esperientzia ikusgarri ahaztezin batean.

Bruna: Talentua eta Magia uztartzen dituen pertsonaia

Juditen eta Jasoneren lanak bat egiten dute Brunarengan, aurten, Elgoibarko Gabonetako erakusleihoetara hurbiltzen direnak ilusioz beteko dituen irudi xarmagarri batean. Jasoneren narratiba eta Juditen ilustrazioa uztartuta, Bruna esperientzia magiko bihurtuko da, guztiok ezagutzeko irrikan gaudena. Xehetasun bakoitzarekin, gure kaleak piztu egingo dira, eta gogoraraziko digute Gabonetan beti dagoela ustekabeetarako eta lilurarako lekua.

Zaude adi; izan ere, aurki, Bruna ezagutu ahal izango duzu Elgoibarko erakusleihoetan; eta, horretaz gain, aukera izango duzu itxaropenez, naturaz eta, batez ere, Gabon hutsez osaturiko istorioa dakarkiguten talentu handiko bi emakumek sortutako esperientzia magikoaz gozatzeko.

Elgoibarko Udala
Idazlea: Jasone Osoro
Marrazkilaria: Judit Piella